OYLA: Қараша 2018

11 [39]

Пайдалы тамақтану

Ас адамның арқауы, тойғызып, көңіл-күйді көтеруімен қатар, денсаулыққа да ықпал етеді. Астың әрбір грамы пайдалы болуы немесе денеңді зақымдайтындай пайдасыз болуы да мүмкін. Ал ең бастысы, салауатты тамақтану салтын сақтау еш қиындық тудырмайды. Бірнеше қағиданы сақтасақ, жеткілікті.

Аштықтың жасырын түрі

Адам ақуыз-май-көмірсу теңгерімін сақтағанымен, өзіне аса қажетті қоректік заттектерді жеткіліксіз тұтынуы мүмкін. Денің сау, ақылды, сымбатты және қуатты болу үшін, дәрумендер мен минералдық заттектерді күн сайын қажетті мөлшерде қабылдап отыру қажет. Олардың жеткіліксіз болуы ағза жұмысының іркілісіне әкеп соқтырады.

Химиялық жылдамдатқыштар

Әмбебап жылдамдатқыштар болмағанда, айналамыздағы әлем баяулатылған киноға айналар ма еді. Катализаторлар әрекеттесетін заттармен химиялық байланыс орнатпастан, реакция динамикасын шебер басқарады.

Юпитер металы

Қалайы — адамзатқа ертеден таныс, көнеден келе жатқан металдардың бірі. Ол ұзақтығы 2 мың жылға созылатын тұтас тарихи дәуірдің атауы болған қоланың құрамына кіреді. Қалайы солдат, қалайы дәнекерлер, қалайы консерві құтылар, қалайыланған қаңылтыр — бұл аталған металдың күні бүгінге дейін үлкен сұранысқа ие екенін дәлелдейтін тізімнің бір бөлігі ғана.