«Өркениет табиғатының қайғылы тұсы - Венераның атмосферасы туралы ақпаратты жақсы білсек те, түскі ас дастарханымызда жатқан суфленің ішінде не болып жатқанын мүлде білмейтініміз»

Николас Курти, Оксфорд Университетінің физика профессоры 

Профессор кулинарияны да, ғылымды да қатты жақсы көрген және оларды өзара ұштастыраға тырысқан. Бірде ол ананас шырынының құрамындағы ақуызды ыдыратушы зат – бромелиннің етті жұмсарта алатынын аңғарған. Куртидің рецебі ерекше танымалболды – бүгінде үйбикелердің көбі етті ананаспен маринадтап жатады. Тағаммен тәжірибе жасауда Курти өзіне шектеу қойған емес: ол, тіпті, автокөлік аккумуляторына шұжықты қуырып көрген. Екінші дүниежүзілік соғыс тұсында Курти ядролық бомбаны дайындауға қатысады, кейін бұл істен алыстап, тағамды дайындау кезінде болатын химиялық және физикалық үдерістер туралы лекциялар курсын оқумен айналысады. Профессор молекулярлық кулинарияның – ғылымның арқасында ерекше тағамдар тудыратын бағыттың негізін қалаушы болып табылады. Ойын ережелерін жақсы білген кезде әдеттегі тосқауылдарды бұзып шығуға болатыны белгілі. Молекулярлық кулинарияның басты мақсаты – қарынды тойдыру емес, таң қалдыру. Көбікті ет? Жемісті спагетти? Сұйық азоттан дайындалған балмұздақ? Тосап уылдырығы? Түк қиындығы жоқ! Және сіз алдыңыздағы тәрелкеде тұрған – бірінші ме, екінші ме әлде десерт пе – ешқашан таба алмаймыз.

Молекулярлық асхананың төркіні – дәмі мен пайдасы ғылыми негізделген тағамдардың рецебін дайындау. Нәтижесінде тек сыртқы әдемілігіне сүйсініп қана қоймай, сондай-ақ кез келген аспазхананың басты қағидасы – «дәмді» және «өте дәмді» дегенді түсінетін боласыз. 

Сұйық азот өнімнің беткі қабатында мұзды қабыршақ тудырады. Бұл өнімді жылдам қатырудың басты тәсілдерінің бірі. Осылайша ішіне қатты мұзды салмай-ақ балмұздақ дайындауға және сырты суық, ал іші жылы – «трансформер-тағамды» алуға болады.