Анықтамаға сүйенер болсақ, электр тоғы дегеніміз — зарядталған бөлшектердің белгілі тәртіппен өткізгіш бойындағы қозғалысы. Кеңірек түсіну үшін электр тізбегін су құбырымен салыстырып қарауға болады, мұнда электр тоғы құбыр арқылы ағып бара жатқан су тәрізді. Су құбырының қандай параметрі біз үшін маңызды болар еді? Нақты уақыт ішінде ол арқылы қанша су ағып өтетіні болар, себебі мұндай параметрдің арқасында, мысалы, сұйыққойманың қанша уақыт ішінде толатынын есептеуге болады. Тізбектегі электрді де дәл осылай өлшейміз, тек оны физика тілінде тоқ күші деп атайды.

Бұл параметрді қалай өлшеуге болады? Ол үшін өткізгіш арқылы уақыт бірлігінде өткен электрон (теріс зарядталған бөлшектер) санын есептеу керек. Тәжірибе нәтижесінде өткізгіш арқылы электрондардың есепсіз көп мөлшері өтетіні белгілі болды. Сондықтан да идеяның өзі қабылданды, тек жай ғана санап емес, үлкен өлшем бірлігін кулонды (Кл) енгізген. 1 кулон 6,24 квинтиллион (миллиард миллиарды) электрон зарядына тең.

Физикалық мәнi:
Егер өткізгіш (оның көлденең қимасы) арқылы әр секунд сайын жалпы заряды 1 кулонды құрайтын бөлшектер өтетін болса, тоқ күші 1 амперге тең. Өткізгіш арқылы өтетін бөлшектердің жалпы зарядын ұлғайтқан кезде пропорционалды түрде тоқ күші артады.